Шәкірт жүрегіне ізгілік ұялатып, болашаққа жол көрсетіп келе жатқан аяулы ұстаздарымыздың төл мерекесі қарсаңында 4 қазан күні Нұрхан Ахметбеков атындағы Мәдениет үйінде салтанатты түрде бас қосу өтті.

Мерекелік іс - шараға аудан әкімі Д. С. Бидашев, аудандық мәслихат төрайымы А. М. Ержігітова және ауданның ардагер ұстаздары қатысты.

Салтанатты жиын барысында аудан әкімі ұстаздар мен ардагерлерді қызу құттықтап, марапаттар табыс етті.

Оқушыларға сапалы білім, саналы тәрбие берудегі көп жылғы еңбек еткен ардагер ұстаздарымыз жергілікті кәсіподақтың "Еңбек ардагері" медалімен марапатталды.

Сондай - ақ, білім беру бөлімінің басшысы А. Қасымұлы ұстаздар қауымын мерекелерімен құттықтай отырып, білім саласына қосқан зор үлестері үшін бірқатар ұстаздарды марапаттап, кәсіподақ тарапынан сыйлықтар табыс етілді.

Кеш соңында ардагер ұстаздарға ақ дастархан жайылып, құрмет көрсетілді.

Барлық ұстаздар қауымын және марапатқа ие болған әріптестерді марапаттарымен шын жүректен құттықтай отырып, дендеріне саулық, отбасыларына амандық, шығармашылық табыс пен шабыт тілейміз.