2025 жылдың 8 қазан күні Жангелдин ауданы білім бөлімінің ұйымдастыруымен М.Дулатов атындағы жалпы білім беретін мектебінде Алаш зиялысы Міржақып Дулатұлының 140 жылдығына арналған "Міржақып Дулатұлы идеяларының бүгінгі күнмен үндестігі" атты гуманитарлық пән мұғалімдерінің аудандық семинары өтті. Аудандық семинарға аудан мектептерінен қазақ тілі, орыс тілі, ағылшын, тарих пәні мұғалімдері қатынасты. Ұйымдастырушы, білім бөлімінің әдіскері, модератор Темирова Жанат Карбозқызы семинар бағдарламасымен таныстырып, іс - шараны ашып берді. Бағдарлама негізінде іс - шара Міржақып Дулатұлының мазарына барып, тағзым жасап,құран бағыштаудан басталды.М.Дулатұлы мұражайына барып,біртуар тұлғаның өмір жолынан сыр шертетін құнды жәдігерлермен танысып, ұлт жанашырының күреске толы ғұмырынан бұрын беймәлім болған тың деректер естіді. Семинар барысында «Оян,қазақ! - ұлтты оятқан сөз, ұрпақты оятар жол» тақырыбында баяндама оқылып, "Міржақып тағылымы - жаңа ғасыр ұстазына бағдар", "Тарихи тұлғалар" тақырыбында шебер сынып, "М.Дулатұлы идеясы - бүгінгі ұрпаққа үлгі" тақырыбында коучинг пен "М.Дулатұлы «Бақытсыз Жамал» романы", "Clothing and shoes" тақырыбында ашық сабақтар өткізіліп,"Алаш ардақтысы-М.Дулатұлына тағзым" атты мектеп оқушыларының әдеби монтаж кеші өтті. Іс - шара ой бөлісіп, тәжірибе алмасудың, ізденіс пен шығармашылықтың алаңына айналды. Осындай мазмұнды іс-шаралар – мұғалімдер үшін кәсіби шеберлікті шыңдайтын, тәжірибе алмасуға,жаңа әдіс -тәсілдерді меңгеруге мүмкіндік беретін алаң. Мұндай бас қосуларда алған білім мен тәжірибе алдағы оқу-тәрбие үдерісінде өз жемісін беретіні сөзсіз.