Ағымдағы жылдың 24 қазанында мен, «Жангелдин ауданының білім бөлімі» мемлекеттік мекемесінің басшысы А.Қасым, «Жангелдин аудандық санитариялық - эпидемологиялық бақылау басқармасы» РММ бас маманы Н.Аңсағанқызының қатысуымен Жангелдин ауданының білім беру ұйымдарының директорлары мен мектептер мен балабақшаларда оқушылар мен тәрбиеленушілер үшін қауіпсіз тамақтануды ұйымдастыратын Кәсіпкерлермен кездестім.

Кездесу барысында мектепке дейінгі білім беру ұйымдарында, мектептерде тәрбиеленушілер мен балаларға берілетін тамақтандыруды ұйымдастырудың жолдары, Жаңа стандарт талаптарының орындалуы, қатаң санитарлық талаптарды сақтау, азық - түліктің сапасына, сақталуына және тамақтан улану фактілерін болдырмау, алдын алу жұмыстарына бағыт - бағдар берілді.