Қостанай облысы әкімдігі білім басқармасының «Жангелдин ауданының білім бөлімі» ММ

Сізді мәртебелі марапатыңызбен шын жүректен құттықтайды!

Ұстаздық - ұлы да, ұлағатты жол. Бұл жолда адалдықпен еңбек етіп, жас ұрпақтың жүрегіне шырақ жаққан аяулы жандар аз емес. Солардың бірі - Жангелдин ауданы, Торғай ауылындағы Ы.Алтынсарин атындағы жалпы білім беретін мектебінің түлегі, Арқалық педагогикалық университетінің аға оқытушысы, педагогика ғылымдарының магистрі,Торғай елінің ардақты да,аяулы қызы - Абдуллина Ардақ Әмірханқызы.Сіздің білім беру жолындағы тынымсыз еңбегіңіздің арқасында шәкірт жүрегінен жол тапқан ықыласыңыз, ұрпақ тәрбиесіне қосқан өлшеусіз үлесіңіз "Ерен еңбегі үшін" медалімен лайықты марапатталуыңыз - ұстаз қауымы үшін зор мәртебе, біз үшін - шексіз қуаныш.

Бұл - маңдай тер мен мейірімнің, адалдық пен парасаттың жемісі.

Сіздей ұстаздар - елдің шамшырағы, халықтың жүрегіндегі үміт сәулесі.

Сіздің толассыз еңбегіңіз - ел ертеңінің алтын діңгегі.

Марапатыңыз құтты болсын, құрметіңіз арта берсін!