"Үздік авторлық бағдарлама" облыстық конкурсы

2025 жылдың 28 қазан күні "Үздік авторлық бағдарлама" конкурсының облыстық кезеңі өткізілді. Аталған байқауға Жангелдин ауданынан 5 мұғалім қатысып, олардың ішінде 2 педагог жоғары нәтиже көрсетті.

Байқаудың мақсаты - пәндер бойынша таңдау, арнайы және элективті курстардың, оқу пәндерінің авторлық бағдарламаларын әзірлейтін үздік мұғалімдердің тәжірибесін айқындау және тарату болып табылады.

Нәтижесінде:

"Бастауыш мектеп, мектепке дейінгі білім" бағыты бойынша - Қ.Жармағанбетов жалпы білім беретін мектебінің бастауыш сынып мұғалімі Муқышева Самал ІІІ орынға ие болды.

"Қоғамдық - гуманитарлық бағыттағы пәндер" бойынша - Ы.Алтынсарин атындағы жалпы білім беретін мектебінің ағылшын тілі пәні мұғалімі Ғалымқұлова Ақтоты "Практикада тиімді қолдану" номинациясын иеленді.

Жеңімпаздар мен қатысушыларды құттықтай отырып, шығармашылық табыс пен жаңа жетістіктер тілейміз!