2025 жылдың 31 қазан күні өткен «Болашақ» облыстық хореографиялық бишілер байқауында Болат Хамзин атындағы өнер мектебінің «Еркеназ» үлгілі би тобы тамаша өнер көрсетіп, ІІ орынға ие болды.

Бұл байқау жас таланттардың шығармашылық қабілетін шыңдап, би өнеріне деген сүйіспеншілігін арттыруға бағытталған маңызды мәдени шара болды.

«Еркеназ» би тобының өнерпаздары би мәдениетін, сахналық шеберлікті және үйлесімді орындаушылықты жоғары деңгейде көрсете білді. Өздерінің ерекше таланты мен әсерлі би қимылдары арқылы көрермендер мен қазылар алқасының зор ықыласына бөленді.

Өнер мектебінің ұжымы тәрбиеленушілерінің бұл жетістігін зор мақтанышпен атап өтіп, алдағы уақытта да жаңа белестер мен жеңістерге жететініне сенім білдіреді.