2026 жылдың 9 ақпан күні Ш.Уәлиханов атындағы Торғай жалпы білім беретін мектебінің базасында 7–11 сынып оқушылары арасында өткен республикалық «Жарқын болашақ» олимпиадасының аудандық кезеңі жоғары деңгейде ұйымдастырылды. Олимпиаданың негізгі мақсаты — мемлекеттік тілді қолдану аясын кеңейту, қазақ тілі мен әдебиеті бойынша дарынды оқушыларды анықтау және қолдау көрсету. Олимпиаданың аудандық кезеңіне аудан мектептерінен 33 оқушы қатысып, олардың 17-сі жүлделі І, ІІ, ІІІ орындарға ие болды. Қатысушылар білімдерімен қатар, шығармашылық қабілеттері мен тілдік шеберліктерін көрсете білді. 5 номинация бойынша жүлделі І орын иегерлері облыстық кезеңге жолдама алды. Олар: Қапенов Даулет (Қ.Қайдосов атындағы ЖББМ, жетекшісі Махатов Ерік), Шортанбай Жаннұр (Жангелді ЖББМ, жетекшісі Бекенова Индира), Түйебай Сабина (М.Дулатов атындағы ЖББМ, жетекшісі Баекина Майра), Молжігіт Жанболат (Ы.Алтынсарин атындағы ЖББМ, жетекшісі Серікбаева Асем), Қабжалел Мадина (Ы.Алтынсарин атындағы ЖББЬ, жетекшісі Бекетова Елугүл). Барша жеңімпаздар мен жүлдегерлерді шын жүректен құттықтаймыз! Облыстық кезеңде де сәттілік пен жарқын жеңіс тілейміз!
https://bb-dzhangeldi.edu.kz/t-gy/zhetisti-ter-bb-dzhangeldi/9668-zhar-yn-bolasha-zhar-yn-zhe-is.html#sigFreeIdc3084614ea
