2026 жылдың 12 ақпан күні Ы.Алтынсарин атындағы жалпы білім беретін мектебінің базасында мектеп оқушыларының республикалық «Шәкәрім оқулары» конкурсының аудандық кезеңі өтті. Республикалық «Шәкәрім оқуларының» мақсаты: Шәкәрім шығармаларын насихаттау, мектеп оқушыларының шығармашылық қабілеттерін, эстетикалық талғамдарын, табиғи дарынын анықтау, оқушылардың әдебиетке деген құштарлығын арттыру. Байқауға аудан мектептерінің 5-8 сыныптарынан 12 оқушы қатынасты. Байқау қорытындысы бойынша 1- орынды Аманкелді жалпы білім беретін мектебінің 6 сынып оқушысы Жақсылық Бақтылы, /жетекшісі Жақсылық Сәнімгүл/ иеленіп,облыстық кезеңге жолдама алды. Жүлделі 2 орын Шұбалаң негізгі орта мектебінің оқушысы Ерік Айзере/жетекшісі: Махина Зоя/ пен Қайырбеков жалпы білім беретін мектебінің оқушысы Бақытбек Айсана /жетекшісі: Мукашева Фарида/, 3 орынды А.Қоңқабаев жалпы білім беретін мектебінің оқушысы Балтабай Бекарыс /жетекшісі: Қоңқабаев Мейрамғали/ иеленді. Барша байқау жеңімпаздарын құттықтаймыз! Облыстық кезеңге өткен оқушымыз Бақтылыға жоғары нәтижелерге қол жеткізіп, биік белестерді бағындыруына тілектеспіз!
https://bb-dzhangeldi.edu.kz/t-gy/zhetisti-ter-bb-dzhangeldi/9674-sh-k-rim-o-ulary.html#sigFreeId6ae53b6a9f
