13 мамыр күні Қостанай қаласында облыстық «Мағжан оқулары» байқауы өтті. Байқаудың мақсаты – Мағжан Жұмабаев шығармашылығын насихаттау, жас ұрпақтың поэзияға деген қызығушылығын арттыру, дарынды оқушыларды анықтап, олардың шығармашылық қабілеттерін дамыту.

Аталған байқауға Жангелдин ауданынан 3 оқушы қатысып, оның екеуі жүлделі орындарға ие болды. Шоқан Уәлиханов атындағы Торғай жалпы білім беретін мектебі КММ-нің 10-сынып оқушысы Серікбол Мадина Даниярқызы «Мағжан ақынның шығармашылығы бойынша ғылыми жоба» номинациясы бойынша ІІ орын алса, Ибраев Данияр «Жас ақындар» номинациясы бойынша ІІІ орынды иеленді.

Жеңімпаз оқушылардың жетекшісі – Кенжеғали Сымбат Кенжеғалиқызы. Жас дарындарды құттықтай отырып, алдағы уақытта да биік белестерді бағындыруларына тілектеспіз!